Parroquiala de Santa Marguerita

  •   Comuna e Valada

    CHASTELDELFIN - Val Varacha
  •    Tròba la glèisa

  •   Escòuta l'audio

Tresòrs de peira verda

Lo vilatge de Chasteldelfin es dominat da l’aut cloquièr del XVII-XVIII sècle de la parroquiala de Santa Marguerita: caracteristics son lhi gargalhs angulars en pèira verda que rapresenton figuras zoomòrfas.

Dòmina la façada una pintura a fresc de la seconda metat del XV sècle embè Santa Lucia, Santa Clara e un Sant Cristòfo. Lo portal romanic en pèira presenta colonas decoraas da chapitèls esculturats embè tèstas d’òmes, motius vegetals e zoomòrfs, angels: aquesti personatges donon a l'ensemp un aire grotesc e misteriòs. Motius similars son presents dedins la glèisa, sus lhi chapitèls en pèira verda embè tèstas d'òmes e leons que sostenion l'antica vòuta a cabirons en bòsc, que dins lo 1603 laissa lo pòst a la vòuta a botala d'encuèi. 
 

Lhi murs de la navada e des quatre chapèlas presenton un cicle de decoracions dediat a las Istòrias de la vita de Sant Joan lo Baptista, òbra dal solèt Tommaso Biasacci. Al centre de la premièra chapèla a drecha es lo Batesme de Criste dins las aigas dal Jordan entre dui Profetas; dins lo registre sotan lhi Sants Simon, Joan lo Baptista e Andriu, entre la Decollacion e lo Festin d'Eròd. 

A l’enterior de l'arc se reconeisson, da manchina a drecha, lhi Sants Jaco Major, Esteve, Lorenç e Nicòla; a l'exterior, en bas Sant Lazar, una lònja escricha embè lo nom del committent e la data 1504, e en aut la Predicacion de Joan dins lo desèrt. Joan lo Baptista s'era retirat dins lo desèrt da eremita, anonciant la vengua dal Messia: pr'aquò era dich lo precursor. Coma avia pas aprovaa la convivènça d'Eròd embè la conhaa Erodiada, ven emprisonat e decapitat sus comand de Salomé, filha de Erodiada. 
Sot l'arc de la seconda chapèla de drecha, qu'a perdut sias decoracions perquè tamponaa da un mur, son rapresentats, da manchina a drecha, lhi Sants Bernard d'Aosta, Chafrè, Constanç e benlèu Grat. En bas a manchina, Eva e part de l'arbol del pechat, e a drecha, la fòrabanda dal Paradìs originari. Dins lhi cantons es rapresentaa l’Anonciacion, e sus lo flanc de drecha de l'arc una Madòna embè lo Pichòt, mai recènta. Dins la premièra chapèla de manchina se tròba la Madòna de la Misericordia e sus l’arc un sant Evesco, Santa Catarina d'Alessandria e Sant'Antòni Abat.

Dins la seconda chapèla, sus l'arco la Deposicion da la Crotz, la Pietat, Sant Pancraci e angels. La chapèla garda un fònt baptesimal en marbre blanc esculturat, decorat da motius araldics de la França e del Delfinat; datat 1483, es di fraires Zabreri, escultors de Palhièr en Val Maira.
 

A l'entorn

Parroquiala de Sant Jaco

a 4,6 KM da qui 
BLINS

Parroquiala di Sants Pèire e Paul

a 10,7 KM da qui 
SANT PÈIRE

Antica Parroquiala de Sant'Antòni

a 11,4 KM da qui 
PÒNT E LA CHANAL

Parroquiala de Sant Lorenç

a 11,5 KM da qui 
PÒNT E LA CHANAL

Realizzato da    
Con il contributo di    
Iniziativa inserita nell’ambito della Carta Europea del Turismo Sostenibile del Monviso

Textes italians | traducions en occitan | votz italian e occitan: Rosella Pellerino
Traducions en anglés: Karen Kloss   Fotografias: Paolo Viglione

Questo sito utilizza cookies per offrirti un'esperienza di navigazione migliore. Continuando la navigazione nel sito autorizzi l’uso dei cookies. Maggiori informazioni.