Parroquiala de Sant Jaco
Parroquiala de Sant Jaco
-
Comuna e Valada
BLINS - Val Varacha
-
Tròba la glèisa
-
Escòuta l'audio
Sal temple del diu Belenus
Dins la ruaa La Glèisa es plaçaa la parroquiala que garda lo trecentesc cloquièr romanic-lombard a dui plans embè biforas e auta cuspida. L'edifici d'encuèi es lo resultat de nombrós engrandiments de l'originaria estructura medievala, e se trobaria sus las roinas d'un antic autar pagan. De fòra de la glèisa es muraa una pèira esculturaa que rapresenta un morre d'òme ariondat da lòngs pels que semelhon de rais.
Dins aquesta figura se poleria reconeisser Belenus, lo diu cèltic dal solelh correspondent a Apòllo, venerat un bòt dins las valadas alpinas e d'entè tiraria son nom lo vilatge.
Sal cant de manchina es murat decò un aut-relièu d'una bestia a quatre jambas, benlèu un caval, que fasaria pensar al culte de la divinitat Epòna, rapresentaa da una vacha, e veneraa da Celts e Gals.
Dins lo XV sècle l’edifici avia planta longitudinala embè lo portal principal virat vers nòrd-est: l’intrada passava a travèrs d'un pròtir decorats da colonas e chapitèls encuèi gardats dedins la glèisa e dins lo cementièri.
En lo 1578 la glèisa ven depredaa e transformaa en temple dai calvinistas, fins que, en lo 1603, lhi Frats Capucins la repòrton al culte catòlic.
A la fin del Sieis Cents ven modificat l'orientament portant la novèla intrada principala a òvest e bastent una novèla absida a est, en estil Baròc: lo vielh pròtir a nòrd ven tamponat per crear la sacrestia.
Dedins, en la navada embè vòuta a botala, a drecha se duèrb una chapèla dediaa a Sant'Antòni, surmontaa da un arc en augiva decorat da fuelhas e têtes coupées, testas d'òmes. Sot l’arc sono plaçats dui chapitèls embè lhi simbols apocaliptics de lhi Evangelistas, tuchi sensa tèsta, embè motius floreals e geometrics.
Dins la chapèla es plaçat lo fònt baptesimal gòtic, de la botega de lhi escultors Zabreri de Palhièr en val Maira, datat 1486.
A la manchina del portal d'intrada es muraa una aigasantièra romanica ricavaa da un blòc monolitic en pèira verda, a forma de leon coronat d’espinas.