Chapèla de Sant Salvaor

  •   Comuna e Valada

    L’ARMA - Val Maira
  •    Tròba la glèisa

  •   Escòuta l'audio

La pus vielha d’la valada

Dediaa a Jesus lo Salvator ma coneissua coma Sant Salvaor, la chapèla fondaa dai monges d’Ols entre 1120 e 1142 es benlèu la mai antica construcion cristiana de la val Maira. Lo pichòt edifici en pèira cubèrt da lausas presenta una absida semicircolara; la façada es a vèla, coma lo cloquièr embè doas monòforas; denant, doas colonas reson un pichòt pòrtic, jontat après.

Dedins presenta una solèta navada embè vòuta a cabirons en bòsc: dins l’absida se son gardaas pinturas a fresc del XV sècle; son dal XIII aquelas di murs laterals dal presbitèri, gastats dins lo XVIII sècle quora la navada ven eslonjaa e son dubèrtas doas fenèstras. 

Ben raras e preciosas son las pinturas dal presbitèri: a manchina, lo pechat originari embè en aut Adam e Eva e sot una batalha de l’antic Testament, embè un soldat a caval e un per tèrra, ferit, embè, dins lo canton a manchina, un original sonador de fifre. A drecha son rapresentaas las activitas del temps de la patz; singulara es la scèna de la fèsta embè una filha que dança al sòn d’una citara, benlèu Salomé que dança per Eròd.

De sot, de lauraires en chamin a meissonar. A manchina es presenta una granda figura da la tèsta plena de pèls, que sòna dins un còrn, benlèu lo diu Pan protector d’escabòts e pastres. 
La decoracion romànica continuava de segur sus l’arc e dins l’absida, mas vers lo 1460 ven cubèrta da una novèla òbra tard-gòtica.
Sus l’arc pareis l’Anonciacion, e sus lhi pè-drechs Santa Catarina embè la roa e Sant Antòni dal baston a forma de tau. Dins la calòta, a l’entorn dal Criste dins l’amètla, venon pintats lhi Evangelistas en chamin a escriure lors Evangelis. Lhi Apòstols son plaçats dins lo catin de l’absida, en quatre sectors, chasqued’un embè lo simbol de son martiri e lo nom escrich en caractèrs gòtics.

Da manchina son presentats Jaco minor, Taddèu, Simon, lo jove Matia (que sostituìs Juda Iscariòta e es lo solèt embè lo libre dubèrt); Andriu embè la crotz del martiri, Pèire embè la clau, Joan e Felip; Matèu, Tolomèu embè lo cotèl, perquè era estat pelat viu, Juda e Jaco major, embè lo baston da pelèrin e la coquilha sal chapèl.

 

A l'entorn

Chapèla de Sant Pèire

a 1,1 KM da qui 
L’ARMA

Glèisa de Sant’Antòni de Palhièr

a 5,2 KM da qui 
SANT DUMIAN

Chapèla de Sant Bastian

a 9,3 KM da qui 
CELAS

Realizzato da    
Con il contributo di    
Iniziativa inserita nell’ambito della Carta Europea del Turismo Sostenibile del Monviso

Textes italians | traducions en occitan | votz italian e occitan: Rosella Pellerino
Traducions en anglés: Karen Kloss   Fotografias: Paolo Viglione

Questo sito utilizza cookies per offrirti un'esperienza di navigazione migliore. Continuando la navigazione nel sito autorizzi l’uso dei cookies. Maggiori informazioni.